СТРАСБУРГ. Камісія Рады Эўропы ў пытаньнях юрыдычнага кантролю скрытыкавала прапанову прэзыдэнта Ўкраіны Леаніда Кучмы даць парлямэнту права абіраць прэзыдэнта краіны.
Камісія, якая назірае за канстытуцыйнымі зьменамі ў дзяржавах Рады Эўропы, назвала Кучмаву прапанову “крокам назад”. Сакратар камісіі Джані Б’юкікіё заявіў, што прапанова не адпавядае эўрапейскім стандартам падзелу выканаўчай і заканадаўчай уладаў.