Лінкі ўнівэрсальнага доступу

[ 00:07 ]  Сыльвіё Бэрлюсконі: "Прыняцьце эўрапейскай канстытуцыі можа быць адкладзена да наступнага году"


БРУСЭЛЬ. На саміце Эўрапейскага Зьвязу ўхвалена пагадненьне, якое пашырыць абарончыя магчымасьці дзяржаваў Эўразьвязу. У адпаведнасьці з пагадненьнем, пры сядзібе НАТО будзе створаны цэнтар эўрапейскіх сілаў хуткага рэагаваньня. У цэнтры ўвагі брусэльскага саміту ў пятніцу заставаўся таксама праект канстытуцыі Эўразьвязу. Зважаючы на разыходжаньні ў пазыцыях шэрагу краінаў, прэм’ер-міністар Італіі Сыльвіё Бэрлюсконі дапусьціў, што прыняцьце эўрапейскай канстытуцыі можа быць адкладзенае да наступнага году. Канстытуцыя мае рэгуляваць функцыянаваньне асноўных структур Эўрапейскага зьвязу пасьля яго пашырэньня ў траўні наступнага году. Францыя й Нямеччына зацікаўленыя ў тым, каб уплыў на прыняцьце пастановаў Эўразьвязу залежаў ад колькасьці жыхароў краіны. Польшча й Гішпанія лічаць такі падыход несправядлівым ў дачыненьні да меншых дзяржаваў.
XS
SM
MD
LG