ТЭГЭРАН: Каля тысячы іранскіх студэнтаў дэманстравалі сёньня ў сталічным Унівэрсытэце з нагоды Дня Студэнта. Яны патрабавалі дэмакратычных рэформаў у краіне, і выкрыквалі лёзунгі супраць духоўнага лідэра Ірану-аятолы Хамэнэі. Студэнты заклікалі таксама да адстаўкі прэзыдэнта Хатамі, які на думку студэнтаў, ня ў стане супрацьстаяць кансэрватарам ў краіне. Апошнія студэнцкія дэманстрацыі адбыліся ў чэрвені і ліпені сёлета. Тады паліцыя ўжыла супраць дэманстрантаў сілу і затрымала каля трох тысячаў чалавек.