БАГДАД. Невядомыя нападнікі за апошнія суткі абстралялі транспартныя калёны кааліцыйных сілаў, паведамленьняў пра ахвяры няма. Вугорская аўтакалёна з гуманітарнай дапамогай была абстраляная за 120 кілямэтраў ад мяжы з Кувэйтам, калі вярталася на сваю базу. На шляху перамяшчэньня нідэрляндзкага паліцыйнага канвою каля Басры выбухнула бомба. Міністэрствы абароны Вугоршчыны і Нідэрляндаў пацьвердзілі факты нападаў сёньня.