Брусэль Злучаныя Штаты мяркуюць з цягам часу цалкам перадаць НАТА кіраўніцтва ваеными апэрацыямі ў Афганістане. Пра гэта міністар абароны ЗША Дональд Рамсфэльд заявіў сёньня на нарадзе міністраў абароны Паўночнаатлянтычнага альянсу. Зараз пад кіраўніцтвам НАТА знаходзяцца каля 5 тысячаў міратворцаў краінаў альянсу, якія размешчаныя ў Кабуле. Амэрыканскія войскі колькасьцю ў 10 тысячаў чалавек вядуць апэрацыі супраць талібаў і алькайдаўцаў у розных рэгіёнах Афганістану.