ЛЁНДАН. Сьвет прайграе вайну са СНІДам, -лічыць генеральны сакратар ААН Кофі Анан. Паводле ягоных словаў, у некаторых краінах вірус імунадэфіцыту стаў зброяй масавага зьнішчэньня. У інтэрвію ВВС Анан заклікаў міжнародную супольнасьць зрабіць усё магчымае у барацьбе з захворваньнем. Паводле ААН, сёлета эпідэмія СНІДа дасягнула надзвычайных памераў. Болей за 3 мільёны людзей памерлі, каля 5 мільёнаў інфекаваныя, агульная колькасьць носьбітаў вірусу складае прыкладна 40 мільёнаў.