ЛЁНДАН. На захадзе Вялікае Брытаніі ў горадзе Глостэр арыштаваны падазраваны ў сувязях з Аль-Кайдай. У ягоным доме знойдзеная выбухоўка. Затрыманы ёсьць 24-гадовым брытанцам азіяцкага паходжаньня. Паліцыя не выключае, што ён быў зьвязаны з Рычардам Рыдам – так званым “чаравіковым тэрарыстам”, які асуджаны ў ЗША на пажыцьцёвае зьняволеньне за спробу ў абутку пранесьці выбухоўку ў салён самалёта й такім чынам падарваць лайнэр. Яшчэ адзін падазраваны ў сувязях з тэрарыстамі арыштаваны ўчора ў Манчэстэры.