БАГДАД. Прэзыдэнт ЗША Джордж Буш зрабіў візыт у Багдад, дзе павіншаваў амэрыканскіх вайскоўцаў з Днём падзякі. Гэта была першая паездка амэрыканскага лідэра ў Ірак. Інфармацыйныя агенцтвы паведамляюць, што Буш спаткаўся з 600 вайскоўцамі й паўдзельнічаў у традыцыйнай сьвяточнай вячэры.
Самалёт амэрыканскага прэзыдэнта прызямліўся на лётнішчы Багдаду з надыходам цемры. Пра візыт Буша нічога не было вядома да апошняй хвіліны. Амэрыканскі прэзыдэнт прабыў у Багдадзе дзьве з паловаю гадзіны.