КІЕЎ. Тысячы дэманстрантаў сабраліся сёньня каля будынку Вярхоўнай Рады Ўкраіны, патрабуючы адкласьці прыняцьце бюджэту краіны на наступны год. Удзельнікі акцыі, арганізаванай супольна кааліцыяй “Наша Україна”, блёкам Юліі Цімашэнкі й сацыялістычнай партыяй Украіны, заклікалі да адстаўкі прэм'ер-міністра Віктара Януковіча. Апазыцыйныя сілы называюць праект бюджэту на 2004 год “антысацыяльным”. У аўторак украінскі парлямэнт скараціў на 14 працэнтаў памер мінімальнага заробку. Учора прэзыдэнт Кучма падпісаў закон, які ўстанаўляе мінімальную заробную плату ў памеры 38 даляраў. Мінімальны заробак быў зьменшаны праз колькі дзён пасьля павелічэньня ўва Ўкраіне цэнаў на хлеб.