ТБІЛІСІ. Пазачарговыя прэзыдэнцкія выбары ў Грузіі адбудуцца 4 студзеня, – пастанова пра гэта прынятая на паседжаньні грузінскага парлямэнту 1999 году скліканьня. Раней сёньня падаў у адстаўку дзяржаўны міністар Грузіі Аўтандзіл Джарбэнадзэ. Выканаўца абавязкаў прэзыдэнта Ніно Бурджанадзэ абвінаваціла дзяржаўнага міністра за катастрафічную эканамічную сытуацыю ў Грузіі. Бурджанадзэ заявіла, што "дзяржаўны бюджэт абсалютна пусты".