ВІЛЬНЯ. Прэзыдэнт Літвы Раландас Паксас, супрацоўнікаў якога абвінавачваюць у датыченьнях з расейскай мафіяй, заявіў, што ў адстаўку ня пойдзе. Паксас адзначыў, што быў абраны народам Літвы і не зьбіраецца пакідаць сваю пасаду. У мінулым месяцы спэцслужбы краіны абвінавацілі дарадцаў прэзыдэнта ў стасунках з прадстаўнікамі расейскіх крымінальных структураў, а таксама расейскай фірмы, дырэктар якой спрабаваў шантажаваць Паксаса.