У сталіцы Вялікабрытаніі адбылася шматтысячная дэманстрацыя пратэсту супраць вайны ў Іраку, прымеркаваная да афіцыйнага візыту ў краіну прэзыдэнта ЗША Джорджа Буша. Удзельнікі маніфэстацыі прайшлі праз цэнтар Лёндану, пасьля чаго на Трафальгарскім пляцы адбыўся мітынг. Паводле ацэнак паліцыі, у акцыі ўзялі ўдзел 70 тысяч чалавек. У сваю чаргу арганізатары ацэньваюць колькасьць дэманстрантаў на 200 тысяч.