ТБІЛІСІ. Перамовы паміж прадстаўнікамі прэзыдэнта Грузіі Эдуарда Шэварнадзэ і апазыцыі, якая працягвае акцыі пратэсту ў цэнтры Тбілісі, праўдападобна, зайшлі ў тупік.
Як паведаміў лідэр апазыцыйнага “Нацыянальнага руху” Міхаіл Саакашвілі, у часе ўчорашняга спатканьня с прадстаўніком Шэварнадзэ кампраміс ня быў знойдзены.
Іншы апазыцыйны палітык – Зураб Жванія – заяівў, што перамовы з самім прэзыдэнтам, пра магчымасьць якіх гаварылася яшэ ўчора, хутчэй за ўсё, не адбудуцца.
Апазыцыя патрабуе скасаваньня вынікаў парляманцкіх выбараў 2 лістапада, якія лічыць сфальсіфікаванымі.
Паводле папярэдніх афіцыйных дадзеных, у часе выбараў перамог прапрэзыдэнцкі блёк “За новую Грузію”.