ТБІЛІСІ. У Грузінскай сталіцы паліцыя разагнала некалькі сотняў асобаў, якія заблякавалі дарогу, што вядзе да прэзыдэнцкай адміністрацыі.
Сёньня тысячы прыхільнікаў апазыцыі прайшлі маршам па вуліцах Тбілісі, пратэстуючы супраць вынікаў выбараў у грузінскі парлямэнт зь мінулае нядзелі ды патрабуючы адстаўкі прэзыдэнта Шэварднадзэ.
Паводле розных ацэнак, колькасьць удзельнікаў вагаелася ад 4 да 10 тысячаў. Выступаючы ў часе мітынгу, лідэр блёку “Нацыянальны” Рух Міхаіл Саакашвілі сказаў, што прысьпеў час, каб да ўлады прыйшлі новыя палітыкі і ўратавалі Грузію.