БЭЙРУТ. Польскі прэм’ер Лешэк Мілер, які накіроўваецца ў Ірак, прыляцеў сёньня ў Лібан, дзе правёў перамовы са сваім лібанскім калегам Рафікам Харыры і прэзыдэнтам краіны Эмілем Ляудам. Польскі віцэ-міністар абароны Януш Зэмке, які суправаджае прэм’ера, заявіў, што Гішпанія, якая мае пераняць ад Польшчы камандаваньне міжнароднымі сіламі ў Іраку, не гатовая да гэтай ролі з моўных прычынаў, бо гішпанскія афіцэры не гавораць па-расейску. Паводле Зэмке, гэта ўскладніць кантакты з украінскімі, казаскімі і баўгарскімі аддзеламі кантынгенту.