ВАШЫНГТОН. Злучаныя Штаты ў наступным годзе накіруюць ў Ірак 85 тысячаў жаўнераў, каб замяніць большасьць амэрыканскага вайсковага кантынгенту, што знаходзіцца цяпер у краіне.
Міністар абароны ЗША Доналд Рамсфэлд з гэтай нагоды сказаў:
(Рамсфэлд)“Вайсковыя адзінкі, што служаць цяпер ў Іраку, а таксама большасьць дапаможных адзінак будуць замененыя. Мы рыхтуем 85 тысячаў жаўнераў, у тым ліку тры брыгады аховы, каб замяніць частку нашага 132 тысячнага кантынгенту. Амэрыканскія вайскоўцы ў Іраку будуць зьмяняцца”.
Сказаў Доналд Рамсфэлд.