РЫМ. Сёньня ў часе візыту ў Італію прэзыдэнт Расеі Уладзімір Пуцін выказаўся супраць адкліканьня ў нафтавай кампаніі ЮКОС ліцэнзіі на права карыстаньня нетрамі, пра магчымасьць чаго напярэдадні паведаміла Міністэрства прыроды Расеі. На прэсавай канфэрэнцыі ў Рыме Пуцін заявіў, што дзяржава не павінна разбураць дзейнасьць ЮКАСу.
Уладзімер Пуцін сёньня меў перамовы з кіраўнікамі Італіі .
Увечары расейскі кіраўнік сустрэўся з Папам Янам Паўлам другім.Заўтра раніцай Уладзімір Пуцін у якасьці госьця возьме ўдзел у саміце кіраўнікоў краінаў Эўрапэйскага Зьвязу, што, паводле ягоных словаў, ёсьць вельмі важным крокам у дачыненьнях паміж Расеяй і Эўразьвязам.