Арганізацыя Аб’еднаных Нацыяў. Новы адмысловы прадстаўнік ААН ў Косава Гары Галькэры заявіў, што сутыкнуўся са значным супрацівам у намаганьнях пабудаваць тут дэмакратычнае грамадзтва. Аднак, паводле ягоных словаў, гэтая задача ня ёсьць невыканальнай.
Спадар Галькэры, які раней быў прэм’ер-міністрам Фінляндыі, выказаў асаблівае занепакаеньне з нагоды этнічных канфліктаў, якія дагэтуль не дазваляюць сотням тысячаў этнічных сэрбаў вярнуцца ў Косава.