ВАШЫНГТОН. Тэгэран хацеў бы ўбачыць нейкія практычныя крокі Вашынгтону да пачатку дыялёгу са Злучанымі Штатамі. Такую заяву зрабіў сёньня прадстаўнік іранскага ўраду Абдала Рамазанзадэ, камэнтуючы ўчорашняе выказваньне намесьніка дзяржсакратара ЗША Рычарда Армітэджа, што ЗША гатовыя аднавіць абмежаваныя кантакты з Тэгэранам. Рамазанзадэ падкрэсьліў, што ЗША перш за ўсё павінны спыніць пагражаць Ірану.