МАСКВА. Прэзыдэнт Расеі Ўладзімер Пуцін заявіў, што не зьбіраецца сустракацца зь вядучымі расейскімі палітыкамі і бізнэсоўцамі дзеля абмеркаваньня гэтак званай справы нафтавай кампаніі ЮКОС. Паводле Пуціна, расейскім бізнэсоўцам трэба спыніць, як ён выказаўся, істэрыкі на тэму перагляду вынікаў прыватызацыі ў Расеі. Тым часам, на расейскім фондавым рынку ў панядзелак пачалося падзеньне курсу каштоўных папераў.