БАНГКОК. Прэзыдэнты ЗША і Паўдзённай Карэі Джордж Буш і Ро Му Хэн заклікалі Паўночную Карэю пайсьці на кампраміс у перамовах у справе ядзернай праграмы.
Злучаныя Штаты запрапанавалі гарантыі бясьпекі для Паўночнай Карэі ды падцьвердзілі, што не зьбіраюцца на яе нападаць. Колін Паўэл падкрэсьліў, што ў інтарэсах Паўночнай Карэі прыняць гэтыя гарантыі.
Джордж Буш заявіў, што на шляху ўрэгуляваньня крызысу вакол карэйскай ядзернай праграмы зроблены істотны прагрэс.