БАГДАД. Каля 10 тысячаў мусульманаў-шыітаў вышлі ў пятніцу на вуліцы Багдаду, ды асудзілі ЗША ў “тэрарызме”.
Пратэст адбыўся ў часе пахавальнай цырымоніі двух шыітаў, якіх амэрыканскія вайскоўцы забілі ў горадзе Садр. Прадстаўнікі войска ЗША кажуць, што шыіты былі забітыя пасьля таго, як амэрыканскія жаўнеры трапілі ў засаду, дзе двое жаўнераў загінулі.
Між тым у Вашынгтоне, віцэ-прэзыдэнт ЗША Дзік Чэйні заявіў, што рашэньне пачаць вайну супраць рэжыму Саддама Хусэйна было слушным.