ЛЁНДАН. Іран дагэтуль не падаў інфармацыі, якая пацьвердзіла б мірны характар яго ядзернай праграмы, -- заявіў сёньня ў інтэрвію газэце “Файнэншл Таймс” дырэктар Міжнароднага агенцтва ў атамнай энэргіі Махамэд эль Барадэй. Ён адзначыў, што інспэктары МАГАТЭ, якія наведалі Іран, былі дапушчаныя на ядзерныя аб’екты і атрымалі новыя дадзеныя ад уладаў, але гэтых дадзеных зусім недастаткова. Тэгеран абяцаў, што будзе шчыльна супрацоўнічаць з МАГАТЭ. Да 31 кастрычніка ён абавязаны даказаць мірны характар сваіх ядзерных дасьледаваньняў.