СТАКГОЛЬМ. У Швэцыі падазраваны ў забойстве міністра замежных справаў Анны Лінд – Міхайла Міхайлавіч – застанецца яшчэ на два тыдні ў зьняволеньні. Сьледчыя заяўляюць, што аналіз сьлядоў ДНК на нажы, якім была забітая Лінд, пацьвярджае датычнасьць Міхайлавіча да злачынства. Найскладанейшы аналіз быў зроблены ў Вялікай Брытаніі, бо ў Швэцыі няма патрэбнай апаратуры. Швэдзкая прэса паведамляе, што псыхіятры, якія агледзелі 24-гадовага Міхайлавіча, прызналі яго вар’ятам.