РЫМ. Міністар абароны Італіі Антоніа Марціна сёньня выступіў супраць прапановы стварыць асобную ад НАТО штаб-кватэру сілаў хуткага рэагаваньня эўрапейскай абароны. На сустрэчы міністарў абароны краінаў-сябраў Эўразьвязу Марціна прапанаваў у якасьці кампрамісу стварыць спэцыяльную групу плянаваньня баявых апэрацыяў войскаў Эўразьвязу замест сапраўднага Генштабу. ЗША,Італія і Вялікая Брытанія выступаюць супраць стварэньня асобнай штаб-кватэры войскаў Эўразьвязу, таму што , на іхную думку, гэта толькі павялічыць буракратычны апарат.