ВАШЫНГТОН Дарадца прэзыдэнта ЗША па пытаньнях нацыянальнай бясьпекі Кандаліза Райс заявіла, што напярэдадні ваены ў Іраку ЗША атрымалі пераканаўчыя дадзеныя пра наяўнасьць у рэжыму Садама Хусэйна зброі масавага зьнішчэньня. Заява Расейс прагучала ў адказ на абвінавачваньні на адрас ЦРУ з боку шэрагу кангрэсмэнаў, што разьведнае ведамства прадстаўляла частковыя і састарэлыя дадзеныя.
На наступным тыдні будзе абнародаваная справаздачы амэрыкана-брытанскіх ваеных экспэртаў, якія праводзяць інспэкцыі ў Іраку.