ТЫКРЫТ Сёньня каля гэтага паўночнага гораду Іраку амэрыканскія вайскоўцы знайшлі вялікае сховішча зброі. У ім знаходзіліся 23 ракэты “зямля-паветра”, вялікая колькасьць выбухоўкі, баепрыпасы для гранатамётаў.
Учора ў Багдадзе з гранатамёта быў абстраляны гатэль, дзе жывуць амэрыканскія афіцэры. Ніхто не пацярпеў.
Амэрыканскае камандваньне працягвае дасьледваньне інцыдэнты ў гарадзе Эль-Фалуджа. Там амэрыканскія салдаты забілі дваіх і паранілі чатырох іракцаў. Пасьля гэтага інцыдэнту ў Эль-Фалуджы адбыліся антыамэрыканскія маніфэстацыі.