ЕРУЗАЛІМ. Ізраільскае камандаваньне абвесьціла сёньня пра забароны на рух палестынцаў на Заходнім беразе Ярдану і ў паласе Газа ў сувязі са сьвяткаваньнем габрэйскага Новага Году ў пятніцу і суботу.
Гэтымі днямі палестынцам забаронены таксама ў’езд на тэрыторыю Ізраілю.
Тым часам прэм’ер-міністар Палестынскай Аўтаноміі аб’явіў пра завяршэньне кансультацыяў у справе складу новага палестынскага ўраду. У бліжэйшыя дні, сьпіс кандыдатаў на пасады міністраў будзе прадстаўлены на зацьверджаньне парляманту.