НЮ-ЁРК. У Ню-Ёрку, пад эгідай ААН адбываецца канфэрэнцыя ў барадзьбе з тэрарызмам. У ёй бяруць удзел прэзыдэнт Францыі Шырак, прэм’ер-міністар Італіі Бэрлусконі, прэзыдэнт Пакістану Мушараф ды іншыя кіраўнікі краінаў сьвету.
Прамаўляючы да ўдзельнікаў канфэрэнцыі, генеральны сакратар ААН Кофі Анан заявіў сёньня, што вайна з тэрарызмам ня можа быць выйграная выключна вайсковымі мэтадамі. Паводле Анана, тэрарызм можна перамагчы калі вырашыць палітычныя і сацыяльныя праблемы, якія ёсьць яго прычынамі.