СТАКГОЛЬМ. У сталіцы Швэцыі адбудзецца сёньня цырымонія разьвітаньня з міністрам замежных справаў гэтай краіны Аннай Лінд, якая была забітая тыдзень таму.
На цырымонію запрошаныя больш за тысячу асобаў, уключаючы лідэраў эўрапэйскіх краінаў.
У Стакгольме зробленыя надзвычайныя захады ў бясьпецы. Частка гораду ачэпленая паліцыяй, над Стакгольмам забароненыя палёты самалётаў.
Напярэдадні швэцкая паліцыя арыштавала падазраванага ў забойстае Анны Лінд. Ён, аднак, адкідае ўсе абвінавачаньні.