БАЛІ. Інданэзійскі суд сёньня вырак да пажыцьцёвага зьняволеньня Алі Імрона. Яго прызналі вінаватым у арганізацыі тэракту на высьпе Балі. Абвінавачаньне ўзяло пад увагу каяньне злачынцы і прапанавала асудзіць яго на 20 гадоў зьняволеньня. Два дні таму апэляцыйны суд пацьвердзіў сьмяротны вырак, вынесены раней яшчэ аднаму арганізатару тэракту – Амрозі бін Нурхасіму. Выбух на Балі адбыўся 12 кастрычніка летась. Яго ахвярамі сталі 202 чалавекі, пераважна – замежныя турысты.