МАСКВА. Расейская кампанія “Газпрам” спыняе пастаўкі прыроднага газу ў Беларусь паводле ільготных цэнаў. Прэм’ер-міністар Расеі Міхаіл Касьянаў сёньня скасаваў былыя рэкамэндацыі “Газпраму” прадаваць газ беларускім спажыўцам па тых жа коштах, што і іншым расейскім прадпрыемствам. З гэтай нагоды беларускія ўлады выказалі неўразуменьне. Як заявіў віцэ-прэм’ер беларускага ўраду Андрэй Кабякоў, гэты крок можна расцэньваць як ціск Расеі на Беларусь напярэдадні сустрэчы прэзыдэнтаў двох краіны 15 верасьня.