БРУСЭЛЬ. У Афганістан трэба накіраваць яшчэ некалькі тысячаў заходніх жаўнераў, - заявіў сёньня адмысловы пасланьнік Эўрапэйскага Зьвязу Фрэнсыск Уэндрэл.
Паводле ягоных словаў, неабходна распаўсюдзіць уплыў цэнтральнага ўраду за межы Кабулу і спыніць безкантрольнае ўладараньне ў рэгіёнах мяйсцовых ваенных камандзіраў.
Ундрэл папярэдзіў, што ў адваротным выпадку, будучыя выбары чакае немінучы правал.
Цяпер у Афганістане 5 тысячаў міжнародных міратворцаў і 11 тысячаў жаўнераў ЗША.