НЬЮ-ЁРК. Генэральны сакратар Арганізацыі Аб’еднаных Нацыяў Кофі Анан у панядзелак заявіў, што ААН патрабуе радыкальнага рэфармаваньня з тым, каб лепей спраўляцца з пагрозамі, якія паўстаюць у сучасным сьвеце. Паводле Анана, крызыс вакол Іраку прадэманстраваў няздольнасьць Аб’еднаных Нацыяў эфэктыўна вырашаць усясьветныя крызысы, аднак, падкрэсьліў ён, ААН павінна працягваць выконваць ролю ўсясьветнага арбітру, як, прыкладам, у сытуацыях зь Іранам і КНДР.