ВАШЫНГТОН. Дзяржаўны дэпартамэнт ЗША заклікаў Іран неадкладна пагадзіцца на міжнародны кантроль сваіх ядзерных аб’ектаў без аніякіх папярэдніх умоваў.
Прадстаўнік Дзярждэпартамэнту падкрэсьліў, што амэрыканскі ўрад ня ўпэўнены, што Іран падпіша адмысловы дадатковы пратакол да Дамовы аб нераспаўсюджаньні ядзернай зброі, бо Багдад ніколі даваў поўнай інфармацыі пра свае ядзерныя прагарамы.
Між тым прадстаўнік іранскага ўраду заявіў учора, што Іран дазволіць інспэктарам МАГАТЭ наведаць ядзерныя аб’екты пры ўмове, што тыя ня будуць умешвацца ў сфэру ваенных сакрэтаў.