БАГДАД. Сёньня адзін амэрыканскі жаўнер быў забіты і двое параненыя ў часе выбуху вайсковага аўтамабілю на самаробным выбуховым прыстасаваньні. Пра гэта паведаміў прадстаўнік амэрыканскага камандаваньня ў Іраку. Пазьней сёньня прэзыдэнт Злучаных Штатаў Джордж Буш зьбіраецца выступіць з заклікам да амэрыканцаў падтрымаць ягоную палітыку ў Іраку, якая апошнім часам стала аб’ектам крытыкі.