ЕРУСАЛІМ. Прэм’ер-міністар Палестынскай аўтаноміі Махмуд Абас запатрабаваў ад Ясіра Арафата даць санкцыю на самыя жорсткія захады адносна радыкальных палестынскіх груповак. У іншым выпадку кабінэт міністраў пагражае пайсьці ў адстаўку. Раней Абас загадаў адшукаць і арыштаваць арганізатараў тэрарыстычнага акту ў Ерусаліме і склікаў тэрміновае паседжаньне кабінэту дзеля абмеркаваньня сытуацыі. Абас спыніў кантакты з экстрэмісцкімі групоўкамі “Ісьлямскі джыгад” і “Хамас”, адказнымі за выбух ў аўтобусе, у выніку якога загінулі прынамсі 18 чалавек і болей як 100 былі параненыя.