ТБІЛІСІ. У Тбілісі 17 грузінскіх уцекачоў з Абхазіі – пераважна, жанчынаў – трымалІ цягам некалькіх гадзінаў будынак кампаніі “Мэтрабуд”. Жанчыны аблілі сябе бэнзінам і пагражалі самаспаленьнем, калі ўлады не забясьпечаць іх жытлом. Уцякачкі заявілі, што спаляць разам з сабою і некалькі закладнікаў – супрацоўнікаў “Мэтрабуду”. Акцыя пратэсту спынілася пасьля таго, як прадстаўнікі ўладаў паабяцалі дапамагчы ім з жытлом. У Тбілісі жыве каля 80 тысячаў уцекачоў з Абхазіі, іх жыльлёвы стан лічыцца крытычным.