(КАБУЛ) прэзыдэнт Афганістану Хамід Карзай заклікаў сёньня афганскі народ да “сьвяшчэннай вайны за адраджэньне краіны”. Карзай выступіў у Кабуле перад тысячамі людзей у гадавіну вызваленьня Афганістану ад брытанскага ўладараньня ў 1919 годзе. З нагоды Дня незалежнасьці ў Кабуле былі прынятыя надзвычайныя меры бясьпекі, зважаючы на нядаўнюю хвалю гвалту, якяа пракацілася па краіне. Місія ААН, якая займаецца ліквідацыяй мінаў, паведаміла, што сёньня быў атакаваны яе офіс ў правінцыі Вардак. Некалькі афганскіх працаўнікоў місіі былі зьбітыя, а сам офіс разрабаваны