БАГОТА. КАЛЮМБІЯ. У Калюмбіі абстраляны гэлікоптэр прэзыдэнта краіны Альвара Урыбэ. Ніхто не пацярпеў. Напад адбыўся, калі гэлікоптэр з прэзыдэнтам прыляцеў у населены пункт на паўночным захадзе краіны. Прэзыдэнта тэрмінова даставілі на вайсковую базу. Гэлікоптэр суправаджэньня нанёс удар у адказ па гары, адкуль стралялі. Улады ўсклалі адказнасьць за напад на буйную паўстанцкую групоўку “Рэвалюцыйныя ўзброеныя сілы Калюмбіі”.