БАГДАД. Амэрыканскія войскі ў Іраку паведамілі пра пачатак новай стадыі апэрацыі, ськіраванай на пошук ці ліквідацыю прыхільнікаў былога прэзыдэнта краіны Садама Хусэйна, якія могуць плянаваць апэрацыі супраць войскаў кааліцыі. Рашэньне было прынятае пасьля таго, як адзін амэрыканскі вайсковец загінуў, а яшчэ два былі параненыя ў выніку выбуху бомбы на паліцэйскім участку ў горадзе Бакуба.