ВІЛЬНЯ. У сталіцы Літвы сёньня пачаўся 13-ты Эўрапейскі чэмпіянат вялікіх паветраных балёнаў. Чэмпіянат будзе доўжыцца да 17 жніўня. На гэтыя дні рух транспарту у Вільні будзе абмежаваны. Урачыстае адкрыцьцё чэмпіянату паветраных балёнаў і парад удзельнікаў будзе заўтра, у суботу. Парад пачнецца ад новапабудаванага віленскага маста Караля Міндоўга. У нядзелю адбудзецца парад вялікіх паветраных балёнаў і адкрыты канцэрт.