ВАРШАВА. Польскіх альпіністаў, якія заблукалі пры ўзыходжаньні на Эльбрус, шукаюць выратавальнікі Міністэрства Надзвычайных Сытуацыяў Кабардзіна-Балкарыі. Выратавальнікі ідуць шляхамі, якімі, як мяркуюць, ішлі альпіністы, -- праз цясьніны Ірык і Ірык-чат да сярэдзіны Эльбруса, адкуль, магчыма, быў пададзены сыгнал, што альпіністы трапілі у бяду.
Група з васьмі польскіх альпіністаў 4 жніўня пачала ўзыходжаньне з усходняга боку Эльбрусу.
Альпіністы не зарэгістраваліся у выратавальнікаў і не ўзялі мясцовага правадніка. Абраны імі маршрут невядомы.
Адзін з альпіністаў у панядзелак ўвечары патэлефанаваў па мабільным тэлефоне у амбасаду Польшчы у Маскве і паведаміў, што група заблукала на вышыні 4,3 тыс мэтраў.