КІЕЎ. Прэзыдэнт Украіны Леанід Кучма атрымаў асабістае пасланьне ад прэзыдэнта ЗША Джорджа Буша. У лісьце выказаная ўдзячнасьць Украіне за яе ўнёсак ва ўсталяваньне міру і стабільнасьці ў Іраку. Джордж Буш адзначае, што разьмяшчэньне ў Кувэйце украінскага батальёну хімічнай абароны і разгортваньне ў Іраку украінскай брыгады будзе спрыяць усталяваньню стабільнасьці ў гэтай краіне. Прэзыдэнт ЗША падцьвердзіў падтрымку Украіны ў яе імкненьні да эўраінтэграцыі.