Вашынгтон. Прэзыдэнт ЗША Джордж Буш падпісаў дырэктыву, якая дазваляе ў межах НАТА перадаваць сакрэтныя дадзеныя адносна ядзернай зброі Польшчы, Гішпаніі, Чэхіі і Вугоршчыне.
У лістах, накіраваных дзяржсакратару і сьпікэру палаты прадстаўнікоў, прэзыдэнт ЗША адзначае, што размова ідзе толькі пра перадачу інфармацыі, а не самой ядзернай зброі. Паводле Джорджа Буша, доступ да такой інфармацыі паставіць Польшчу, Гішпанію, Чэхію і Вугоршчыну у роўныя умовы зь іншымі дзяржавамі НАТА.