БЭЙРУТ. У перадмесьці сталіцы Лівану загінуў сябра экстрэмісцкай групоўкі “Хэзбалах” у выніку выбуху бомбы, падкладзенай у яго машыну. Яшчэ адзін чалавек загінуў і некалькі чалавек, якія знаходзіліся паблізу, параненыя.
Паўднёвыя перадмесьці Бэйруту лічацца апірышчам экстрэмісцкай групоўкі “Хэзбалах “, якая мае падтрымку з боку Ірану. Гэтая групоўка знаходзіцца у сьпісе тэрарыстычных арганізацыяў, які склалі ЗША.