КІШЫНЁЎ. У Малдове падрыхтаваны кантынгэнт вайскоўцаў, якія накіруюцца у Ірак для удзелу у міжнародных гуманітарных апэрацыях. У Ірак накіруецца 50 вайскоўцаў з Малдовы – пяць сапёраў, дзесяць лекараў і 35 пэхацінцаў з батальёну з войскаў ААН. Малдова будзе аплочваць толькі дзённыя выдаткі для вайскоўцаў, -- рэшту расходаў аплаціць ЗША. Міністар абароны Малдовы заявіў, што місія вайскоўцаў – мірная, але яны маюць права выкарастаць зброю дзеля самааховы.