БАГДАД. Кіраўнічая Рада Іраку сёньня абрала свайго першага старшыню – Ібрагіма Джафары – прадстаўніка фундамэнталісцкай шыіцкай партыі “Дауа”. Прынятае таксама рашэньне адносна прынцыпу ратацыі сябраў прэзыдыюма Рады. Чакалася, што будзе абраны толькі адзін старшыня. Аднак ўчора было прынятае кампраміснае рашэньне пра ўтварэньне прэзыдыюма у складзе 9 чалавек – пяці шыітаў, двух сунітаў і двух курдаў. Пост старшыні будзе кожны месяц пераходзіць паводле прынцыпу ратацыі да аднога з сябраў прызыдыюма.
Усе рашэньні Рады маюць быць пацьверджаныя кіраўніком амэрыканскай адміністрацыі Іраку Полам Брэмерам.