ВАРШАВА. У Польшчы Сойм, ніжняя палата парлямэнту, адхіліў праект закону пра сродкі масавай інфармацыі. Пераважная большасьць сябраў Сойму прагаласавалі за адхіленьне праекту закону.
Тыдзень таму прэм’ер-міністар Лешэк Міллер прасіў сьпікера Сойму прыпыніць працу над праектам гэтага закону. Адначасова прэм’ер-міністрар прасіў міністэрства культуры падрыхтаваць новы праект да 19 жніўня.
Адносна старога праекту закону пра сродкі масавай інфармацыі распачалася судовая справа, паколькі існуюць падставы падазраваць супроцьзаконныя махінацыі у часе падрыхтоўкі праекту.