БАГДАД. Мінулае ночы ў Іраку абстраляныя з гранатамёту і падбітыя два танкі ЗША. Паводле сьведак, напад адбыўся ля места Баакуба, што ў 60 кілямэтрах на паўночны ўсход ад Багдаду. У выніку рэйду ў места Тыкрыт вайскоўцы ЗША затрымалі чатырох чалавек, сярод якіх адзін ахоўнік Садама Хусэйна. У самім Багдадзе сотні беспрацоўных іракцаў правялі дэманстрацыю пратэсту перад штаб-кватэрай адміністрацыі ЗША. Яны патрабавалі працы і паляпшэньня ўмоваў жыцьця.